Við í Hlíðar ræktun búum í Skeiða- og Gnúpverjahreppi í Árnessýslu. Hundar eru ekki eina áhugamálið en við erum kúabændur, stundum hestamennsku og erum með kindur og hænur. Og ekki má gleyma köttunum. Þannig að það er alltaf nóg að snúast.
En áhuginn á að eignast hreinræktaðan hund blundaði alltaf undir niðri og þegar aðstæður voru góðar var farið að fylgjast með hundasýningum og hugsað mikið um hvaða tegund kæmi helst til greina. Teningnum var varpað þegar við komumst í kynni við papillon. Eftir það var bara að bíða eftir goti.